سەرۆك بارزانی، پەیامێکی سەرەخۆشیی بۆ كۆچی دوایی هونەرمەندی ناودار محەمەد ئەربیللی راگەیاند
سه‌رۆك بارزانی، بۆ كۆچی دوایی هونه‌رمه‌ندی ناوداری كوردستان محه‌مه‌د ئه‌حمه‌د ئه‌ربیللی په‌یامێكی سه‌ره‌خۆشی ئاراسته‌ی بنەماڵە، كەسوكار، هەڤاڵ و ئاشنایانی خوالێخۆشبوو و تەواوی هونەرمەندانی هەولێر و كوردستان كرد.
ده‌قی په‌یامه‌كه
بەناوی خودای مەزن و دلۆڤان
بەداخێكی زۆرەوە هەواڵی كۆچی دوایی هونەرمەندی ناودار و خۆشەویستی كوردستان مامۆستا (محەمەد ئەحمەد ئەربیللی)ـمان پێ گەییشت. مامۆستا محەمەد ئەحمەد ئەربیللی خزمەتی زۆری بە پاراستنی دەنگ و ئاواز و مۆسیقای ڕەسەن و خۆماڵیی هەولێر كرد و گەنجینەیەكی گرانبەهای هونەر و ڕەسەنایەتیی لەدوای خۆی بەجێهێشت.
سەرەخۆشیی خۆم ئاراستەی بنەماڵە و كەسوكار و هەڤاڵ و ئاشنایانی خوالێخۆشبوو مامۆستا محەمەد ئەربیللی و تەواوی هونەرمەندانی هەولێر و كوردستان دەكەم.
لە خودای گەورە داواكارم ڕۆحی خوالێخۆشبوو ئەربیللی بە بەهەشتی بەرین شاد بكات و سەبر و ئارامی بە هەموو لایەك ببەخشێت.
انا للە و انا الیه راجعون
مسعود بارزانی
20ـی حوزەیرانی 2022
