مەسرور بارزانی رەزامەندی دا بۆ خەرجکردنی 800 ملیۆن دینار بۆ کۆنتڕۆڵکردنی کۆلێرا لە سلێمانی
![](https://xwakurk.com/wp-content/uploads/2022/06/20220620_143634.jpg)
سەرۆکی حکوومەتی هەرێمی کوردستان ئەمڕۆ دووشەممە 20ـی 06ـی 2022 بۆ کۆنتڕۆڵکردنی کۆلێرا لە سلێمانی ڕەزامەندی لەسەر خەرجکردنی 800 ملیۆن دینار دا.
د.سامان بەرزنجی، وەزارەتی تەندروستی هەرێمی کوردستان ڕایگەیاند: مەسرور بارزانی، سەرۆکی حکوومەتی هەرێمی کوردستان بۆ کۆنتڕۆڵکردنی نەخۆشيیەکانی سکچوون و کۆلێرا لە پارێزگای سلێمانی ڕەزامەندی لەسەر خەرجکردنی بڕی 800 ملیۆن دینار وەکو بووجەی فریاگوزاری خێرا دا.
وەزیری تەندروستی ڕاشیگەیاند: سەرۆکی حکوومەت وەزیری تەندروستی ڕاسپارد بۆ بەدواداچوونی ڕەوشی تەندروستی و ئامادەیی و پاڵپشتیکردنی هەر پێوستییەک بۆ ڕێگریکردن لە بڵاوبوونەوەی نەخۆشی کۆلێرا.
ئەم بڕیارەی ئەمڕۆی سەرۆکی حکومەت لە کاتێکدایە دوێنێ یەکشەممە وەزیری تەندروستی هەرێمی کوردستان لەسەر ڕاسپاردەی مەسرور بارزانی گەیشتە شاری سلێمانی و زیاتر لە 100 تەن پێداویستی پزیشکی بۆ شارەکە دابین کرد.