پارێزگارێ دهۆکێ ١٤٥ پرۆژە ب کۆژمێ ٤٨ ملیار و ١١٢ ملیۆن و ٣٥٠ هزار دیناران راگەهاندن
ئەڤرۆ رۆژا ئێکشەمبی رێکەفتی ٢٦ی خزیرانا ٢٠٢٢ێ بەرێز “د.عەلی تەتەر” پارێزگارێ دهۆکێ، ب کۆژمێ چلوهەشت ملیار و سەدودوازدە ملیۆن و سێسەدوپێنجی هزار دیناران، ١٤٥ پرۆژێن خزمەتگۆزاری ل سنۆرێ دەڤەرداریێن جودایێن پارێزگەها دهۆکێ راگەهاندن.
پارێزگارێ دهۆکێ راگەهاند: هەمی پرۆژێن پێشوەخت کەفتینەکاری و ژئەگەرێ نەبوونا پارا هاتینە راوستاندن دووبارە دێ کەڤنە کاری و پارێ پێدڤی گەهشتیە بانکێن پارێزگەها دهۆکێ.
هەروەسا پارێزگارێ دهۆکێ راگەهاند: بو قۆناغا ئێکێ یا ئەڤ سالە ب کۆژمێ چلوهەشت ملیار و سەدودوزادە ملیۆن و سەدوپێنجی هزار دیناران،١٤٥ پرۆژێن خزمەتگۆزاری لدویڤ رێژا ئاکنجیان و پێدڤیاتی و روبەرێ قەزایان ب دادپەروەری رەزامەندی هاتیەدان و ل دەمەکێ نێزیک دێ هێنە راگەهاندن و پرۆسا تەندەرکرنێ دێ بۆ هێتەکرن و کەڤنە دقۆناغا بجهئینانێدا.
هەروەسا پارێزگارێ دهۆکێ دۆپاتکر قۆناغا دووێ یا پرۆژان دێ پتر و بەرچاڤتربیت و چەندین پرۆژێن خزموتگۆزاری بخۆڤەدگریت.
ژهەژی گوتنێیە دماوێ ڤان سێ سالاندا ب کۆژمێ شەشتسەدوشەش ملیار و حەفسەدوحەفتێ هەشت هزار و پێنجسەد و چلوهەشت هزار دیناران، ٣٨٩ پرۆژێن خزمەتگۆزاری ژبودجێن جودا دهێنە ئەنجامدان و پشکەکا زۆر کەفتینە دخزمەتا هاولاتیاندا.
