گوژمەی 136,736,000 دینار بۆ سێكتەری ئاو و ئاوەڕۆی هەولێر خەرج دەكرێت
وەزارەتی شارەوانی و گەشتوگوزار لە ڕاگەیاندراوێکدا ئاماژە بە تەرخانکردنی بودجەیەکی تایبەت دەکات بۆ جێبەجێکردنی سێکتەرێکی ئاو و ئاوەڕۆ لە هەولێر
لە ڕاگەیاندراوەکەدا هاتووە ، گوژمەی 136,736,000 دینار بۆ سێكتەری ئاو و ئاوەڕۆی هەولێر خەرج دەكرێت.
دەقی ڕاگەیاندراوەکە
وەزارەتی شارەوانی و گەشتوگوزار ڕەزامەندی نیشان دا لەسەر خەرجكردنی گوژمەیەك بە بڕی 136,736,000 دینار بۆ جێبەجێكردنی سێ پرۆژەی تایبەت بە سێكتەری ئاو و ئاوەڕۆ لە سنووری شاری هەولێر و دەوروبەری.
گوژمەكە لەسەر ڕێژەی 17%ی داهاتی بەڕێوەبەرایەتیی ئاو و ئاوەڕۆی هەولێرە و بە مەبەستی جێبەجێكردنی پرۆژەكانی دروستكردنی ئاوەڕۆی لوولەیی لە گەڕەكی كۆمەڵەی ژین لە شارۆچكەی بەحركە و چاككردنەوەی كارەبا و میكانیك لە وێستگەی ئاوی ئیفراز1و2 و هەروەها لەگەڵ كڕینی پاتری بۆ ئامێر و موەلیدەكانی سەر بە بەڕێوەبەرایەتیی ئاو و ئاوەڕۆی هەولێر.
ڕاگەیاندنی وەزارەتی شارەوانی و گەشتوگوزار
