تەندروستی هەولێر ئاگادارییەکی تایبەت بە رۆژانی جەژنی قوربان بڵاو کردەوە .
به‌ڕێوه‌به‌رایه‌تی ته‌ندروستی هه‌ولێر لە ڕاگەیاندراوێکدا ئاگاداری هاووڵاتیان دەکاتەوە ، نه‌خۆشخانه‌كان له رۆژانی جه‌ژنی قوربان كراوه ده‌بن.
لە ڕاگەیاندراوەکەی به‌ڕێوه‌به‌رایه‌تی ته‌ندروستی هه‌ولێردا هاتووە ، لەرۆژانی پشووی جەژنی قوربانی پیرۆز هەردوو نەخۆشخانەی ئیمرجنسی و فریاکەوتنی رۆژئاوا لەپێشوازی هاووڵاتیاندا ده‌بن.
هاوکات ته‌ندروستی هه‌ولێر ئه‌وه‌شی خسته‌ڕوو، بەشی نۆرینگەی دەرەکی لە فریاکەوتنی رۆژهەڵات بەشێوەی (24)کاتژمێری كراوه ده‌بێت.
لە کۆتاییشدا ئاماژە بەوە کراوە ، نەخۆشخانەی ئیمرجنسی پێشوازی لە حاڵەتەکانی مێشک و دەمار، هەناو، شکان و رووداوی گولـلە دەبێت.
