تا کۆتایی ئەم مانگە هەموو حاجیانی کوردستان دەگەڕێنەوە
بەرێوەبەری گشتی حەج و عومڕەی هەرێمی کوردستان رایگەیاند، پرۆسەی گەڕانەوەی حاجیانی کوردستان تا كۆتایی ئه‌م مانگه ته‌واو ده‌بێت.
شێخ نیاز راغب نەقشبەندی، بەرێوەبەری گشتی حەج و عومڕەی هەرێمی کوردستان رایگەیاند:” پرۆسەی گەرانەوەی حاجیانی کوردستان لە ١٨ \ ٧ دەستپێدەکات و لە ٢٤ \ ٧ کۆتایی دێت.
بەرێوەبەری گشتی حەج و عومڕەی هەرێمی کوردستان هەروەها رایگەیاند ئەمرۆ کۆتایی بە سەرجەم ئەرکەکانی حەج هاتووە و توانیمان بە شایەتی هەموو لایەک پرۆسەیەکی سەرکەوتوو بەرێوەببەین .
لە بەشێکی دیکەی لێدوانەکەیدا بەرێوەبەری گشتی حەج و عومڕەی هەرێمی کوردستان پیرۆزبایی لە سەرجەم حاجیانی کوردستان کرد کە توانیان ئەرکە ئاییینەکانیان بە سەرکەوتوویی ئەنجام بدەن و سوپاسی هەموو حاجیانی هەرێمی کوردستان کرد کە توانیان نموونەیەکی جوان پیشانی خەڵکی جیهان بدەن و دەستخۆشی لە حاجیانی هەرێمی کوردستان کرد کە زۆر بە رێک و پێکی رێنماییەکانی بەرێوەبەرایەتی گشتی حەج و عومڕەیان جێ بەجێ کردووە
