سعودیە هاوردەکردنی سووتەمەنی لە ڕووسیاوە “دوو هێندە” کردووە.
ئاژانسی هەواڵی رۆیتەرز بڵاویکردەوە، سعودیە لە چارەکی دووەمی ئەمساڵدا هاوردەکردنی سووتەمەنی لە رووسیاوە بۆ بەکارهێنان لە کەرتی وێستگەکانی کارەبا بۆ ٦٤٧ هەزار تۆن کە (یەکسانە بە ٤٨ هەزار بەرمیل لە رۆژێکدا) زیادکردووە، ئەمەش دوو هێندە زیاترە لە هەمان ماوەی ساڵی رابردوو.
ئەم ڕاپۆرتە دەشڵێت ڕووسیا داشکاندنێکی گەورە لە هەناردەکردنی سووتەمەنی (گازوایل و مازۆت) دەدات و هەربۆیە سعودیە پێی باشە نەوتی خاوی خۆی بە نرخێکی بەرز لە بازاڕەکانی جیهان بفرۆشێت و سووتەمەنی هەرزان لە ڕوسیا وەربگرێت.
ئەم ڕاپۆرتە دوو هێندە کردنی هاوردەکردنی سووتەمەنی سعودیە لە ڕووسیا بە تەحەدایەک بۆ سەرۆکی ئەمریکا جۆ بایدن لە سەروبەندی سەردانەکەی بۆ سعودیە ناودەبات و دەنووسێت کە ئەمە لە کاتێکدایە ئەمریکا لەگەڵ هاوبەشە ڕۆژئاواییەکانیدا هەوڵ دەدەن ڕووسیا لە ڕێگەی… بڕینی داهاتی هەناردەکردنی وزەی وڵات لاواز بکەن .
