حکومەتی هەرێم دوو پرۆژەی کارەبا بە تێچوونی نزیکەی سێ ملیار دینار جێبەجێ دەکات.
وەزارەتی کارەبا رایدەگەیەنێت: حکومەتی هەرێمی کوردستان دوو پرۆژەی کارەبا بە تێچوونی نزیکەی سێ ملیار دینار جێبەجێ دەکات.
لە راگەیێندراوێکدا کە وێنەیەکی دەست دەزگای میدیایی خواکوڕك کەوتووە، وەزارەتی کارەبای حکومەتی هەرێمی کوردستان رای گەیاند:” دوو محاویلەی پاوەری 63mva بۆ هەردوو وێستگەی گۆڕینی کارەبای (عەبدوڵا سەبری) و (قولەرەیسی) بە تێچوونی نزیکەی سێ ملیار دینار لەسەر بوودجەی داهاتی کارەبا دابین دەکرێن.
ئەوەش خراوەتەڕوو:” هەردوو پڕۆژەکە کێشەی کەمیی ڤۆلیتیەی کارەبا لە هەردوو ناوچەکە چارەسەر دەکەن و لە لایەن کۆمپانیای شاندزەوە جێبەجێ دەکرێن.
