یەکەم وڵاتی عەرەبی لەگەڵ ئیسرائیل رێککەوتنی پیشەسازی سەربازی واژۆ دەکات
فەرماندەیی گشتی سوپای مەغریب لە راگەیەنراوێکدا بڵاویکردۆتەوە، عەبدولـلەتیف لودی، وەزیری بەرگری مەغریب و ئەڤیڤ کوخاڤی، سەرۆک ئەرکانی ئیسڕائیل لە رەبات کۆبونەتەوە، ئامانجی کۆبونەوەکەش باسکردن بووە لە هەماهەنگی لەبواری سەربازی و بونیادنانی پیشەسازی سەربازی لە ناوخۆیی مەغریب.
ئەوەش هاتووە، هەردوو جەختیانکردەوە لەسەر پەرەپێدانی پەیوەندییەکان و زیاترکردنی کاری هاوبەش لە بواری پیشەسازی سەربازی، هەروەها هەردولا پابەندبونی خۆیان بە پاراستنی ئارامی و ئاسایشی رۆژهەڵاتی ناوەڕاست دوپاتکردوەتەوە.
