پارێزگاری هەولێر : بڕیارێکی گرنگ لە پێناو بەرژەوەندیی پیشەوەران دراوە

پارێزگاری هەولێر لە لێدوانێکدا بۆ “دەزگای میدیای خواکوڕک” ئاشکرای دەکات ، بڕیارێکی گرنگ لە بەرژەوەندیی ئەوپیشوەرانە دراوە کە پێشتر زەوی و موڵکیان لە حکومەت بە گرێبەست وەرگرتووە .

ئۆمێد خۆشناو لەمبارەوە بە دەزگای میدیایی خواکوڕک -ی ڕاگەیاند

دەربارەی ئەو زەوی و موڵکانەی پێشتر بە گرێ بەست بە پیشەوەران درابوو، بریارێکی تایبەتمان دەرکرد کە لە ناوەرۆکەکەی بەم شێوەیە؛ ئه‌و زه‌وی و موڵكانه‌ی  پێشتر به‌پێی گرێبه‌ستێك به‌ پیشه‌وه‌ران دراون، جارێكی دیكه‌ ناخرێنه‌وه‌ زیادكردنی ئاشكرا، به‌ڵكوو هه‌موو سێ ساڵ جارێك به‌پێی بارودۆخ و سه‌رده‌م، كرێی موڵكه‌كان له‌سه‌ر خاوه‌نه‌كانیان دیاری ده‌كرێت.

ئۆمێد خۆشناو هەر لەم لێدوانەدا بۆ دەزگای میدیایی خواکوڕک ، سەبارەت بە چۆنیەتی بڕیارەکە ڕوونکردنەوە دەدات و گوتی :

ئەو بڕتارە لە  دوای وەرگرتنی ڕای ئەنجوومەنی شوورای هەرێمی کوردستان و وەزارەتی شارەوانی و گەشتوگوزاری حکوومەتی هەرێم، لەسەر بڕگەی سێیەمی مادەی 23ی یاسای ژمارە 1ی ساڵی 2021، سەبارەت بە فرۆشتن و بەکرێدانی موڵک و ماڵی دەوڵەت، هەموو ئەو پیشەوەرانەی، کە لە ڕێگەی ژووری بازرگانی، یاخود شارەوانییەکانەوە مۆڵەتی کاریان پێ دراوە و بەبێ زیادکردنی ئاشکرا زه‌وییان لە حکوومەت وەرگرتووە و کردوویانە به‌ کارگە، یاخود لە موڵکی دەوڵەتدا کرێنشینن و بەردەوامن لەسەر پیشە و کاری خۆیان.

پارێزگاری هەولێر هەروەها ئاماژە بەوە دەکات  بەپێی ئەو گرێبەستەی، کە یەکەمینجار لەنێوان ئەوان و فەرمانگە و دامودەزگاکانی حکوومەتدا كراوە، هیچ پیشەوەرێک یان خاوەن کارگەیەک جارێکی دیكه‌ ئەو موڵکەی له‌ ده‌وڵه‌ت وه‌ریگرتووه‌ و کرێنشینە تێیدا، یان ئەو زه‌وییه‌ی کە پێی دراوە و کردوویەتی بە کارگە، ناخرێتەوە زیادکردنی ئاشکرا…