ڕاگەیێندراوێک لە بارەگای بارزانییەوە
بارەگای بارزانی رایگەیاند پشتگیری کاکەییەکان دەکەن و ئەوەی بەرامبەر بە پێشمەرگەیەک کراوە “ئەمە سووکایەتی و بێڕێزییە بە ئازادی و بیروباوەڕ و پێکەوەژیان”.
لە راگەیەندراوێکی بارەگای بارزانیدا هاتووە “زۆر بە توندی سەرکۆنەی ئەو کارە ناڕەوا و نامەردانەیە دەکەین، کە دەرهەق پێشمەرگەیەکی کوردی کاکەیی لەلایەن چەند کەسێکی سەر بە حەشدی شەعبی ئەنجام دراوە”.
دەقی ڕاگەیێندراوی بارەگای بارزانی:
زۆر بە توندی سەرکۆنەی ئەو کارە ناڕەوا و نامەردانەیە دەکەین کە دەرهەق پێشمەرگەیەکی کوردی کاکەیی لە لایەن چەند کەسێکی سەر بە حەشدی شەعبی ئەنجام دراوە.
ئەمە سووکایەتی و بێڕێزییە بە ئازادی و بیروباوەڕ و پێکەوەژیان.
جەختیش دەکەینەوە بە هەموو توانایەکمان پشتگیری خوشک و برا کاکەییەکانمانین.
بارەگای بارزانی
۲٤ـی تەممووزی ۲٠۲۲
