وەبەرهێنانی هەولێر هەنگاوی دروستكردنی شوقەی كرێچیانی دەستپێكرد
![](https://xwakurk.com/wp-content/uploads/2022/07/frame-website-1-4.jpg)
وەبەرهێنانی هەولێر هەنگاوێکی نوێ بۆ دروست کردنی شوقەکانی کرێنیشینان دەگرێتە بەر و، ناوی ئەو وەبەرهێنەرانە ئاشكرا دەكات كە بەشداری دەكەن لە دروستكردنی شوقەی كرێچیان لە هەولێر و داوایەکیان ئاڕاستە دەکات.
ئەمڕۆ دووشەممە، لە راگەیێندراوێکدا، بەرێوەبەرایەتی گشتی وەبەرهێنانی هەولێر، رای گەیاند، لەو چوار هەزارو 100 یەكەی نیشتەجێبوونەی لەهەولێر بۆ كرێنشینان و كەمدرامەتان دروست دەكرێت 16 وەبەرهێنەر داوایان كردووە شوقەكان دروست بكەن.
لە راگەیاندراوەكە هاتووە” پاڵپشت بە فەرمانی سەرۆکی ئەنجوومەنی وەزیران تایبەت بە دروستکردنی 20 هەزار یەکەی نیشتەجێبوون بۆ کرێنشینان و هاووڵاتیانی کەمدەرامەتی هەرێمی کوردستان ،ئاماژە بە خاڵی یەکەمی ناوەڕۆکی نووسراوی دەستەی وەبەرهێنان، ئەوە 16 وەبەرهێنەر ئاگادار دەکەینەوە لە سنووری پارێزگای هەولێر) پێشنیارتان وەکوو(وەبەرهێنەرانی شیاو و سەرکەوتوو) بە مەبەستی دروستکردنی باڵەخانەکان.
وەبەرهێنانی هەولێر ئەوەشی خستۆتەڕوو ” بۆ ئەم مەبەستە بفەرموون بە ئامادە کردن و پێشکەش کردنی (ئۆفەرەکانتان) بۆ بەڕێوەبەرایەتی گشتیمان لە ماوەی حەوت رۆژدا، بۆ دروستکردنی یەکەکانی(80 مەتری و 100 مەتری و 120 مەتری) بە بێ هەژمارکردنی پێکهاتەکانی خزمەتگوزاری وەکوو(قوتابخانە، بنکەی تەندروستی، باخچەی ساوایان، هتد) تاکو بتوانین بە پێی پێویست و پەیوەندی قۆناغەکانی جێبەجێکردنی پڕۆژەکە ئەنجام بدەین پاڵپشت بە یاسا و رێنماییەکان”.