پەیامێک لە سەرۆکی هەرێمی کوردستانەوە
سەرۆکی هەرێمی کوردستان ئەمڕۆ دووشەممە 25ـی 07ـی 2022 پەیامێکی سەبارەت بە زنجیرە پەلامارەکانی شەوی ڕابردووی تیرۆریستانی داعش بڵاو کردەوە و جەختی کردۆتەوە کە فراوانبوونی هێرشەکانیان مەترسییە بۆ سەر سەقامگیری عێراق و پێویستە هەڵوەستەی لەسەر بکرێت.
نێچیرڤان بارزانی سەرۆکی هەرێمی کوردستان لە پەیامەکەیدا ڕایگەیاند: زنجيره په‌لامار‌ەکانى شه‌وى ڕابردووى داعش له سنوورى به‌غدا، دياله، سه‌ڵاحه‌دين و كه‌ركووک بۆ سه‌ر هێزه چه‌كداره‌كان و پۆليسى فيدراڵيى عێراق كه 7 شه‌هيد و و زياتر له 20 بريندارى لێكه‌وته‌وه، زه‌نگى مه‌ترسييه‌كى جدديه.
ڕاشیگەیاند: جموجۆڵ و به‌هێزبوونه‌وه‌ى داعش و فراوانبوونى هێرش و په‌لاماره‌كانى، هه‌ڕه‌شه‌ى ڕاسته‌قينه له ئاسايش و سه‌قامگيريى ته‌واوى عێراق ده‌كه‌ن كه پێويسته به جددى هه‌ڵوه‌سته‌ى له‌سه‌ر بكرێت و وه‌ڵامى يه‌كلاكه‌ره‌وه‌ى بدرێته‌وه.
نێچیرڤان بارزانی جەختی کردۆتەوە کە “بۆ به‌ره‌نگاربوونه‌وه‌ى ئه‌و هه‌ڕه‌شانه‌ى داعش، پێويسته هاريكارى و هه‌ماهه‌نگييه‌كى كاراتر له‌نێوان سوپا و هێزه چه‌كداره‌كان و پێشمه‌رگه و ده‌زگا ئه‌منييه‌كانى عێراق و هه‌رێمى كوردستاندا بكرێت. هه‌روه‌ها پێويسته پشتگيريى هاوپه‌يمانيى نێوده‌وڵه‌تيى دژى داعش بۆ عێراق و هه‌رێمى كوردستان به‌رده‌وام بێت.”
ئاماژەی بەوەش دا کە “بارودۆخى ئه‌منى و سياسيى عێراق، هاريكارى و كارى هاوبه‌ش و پێكه‌وه‌يى له ته‌واوى هێز و لايه‌نه عێراقييه‌كان ده‌خوازێت بۆ ئه‌وه‌ى هه‌مووان پێكه‌وه سه‌ختييه‌كان تێپه‌ڕێنن و چيتر دۆخى ئاڵۆزيى سياسى نه‌بێته هۆكارى تێكچوونى ئاسايش و سه‌قامگيرى و به‌هێزبوونه‌وه‌ى زياترى داعش.”
سەرۆکی هەرێمی کوردستان هەروەها لە پەیامەکەی هاتووە کە “سه‌ره‌خۆشى له خێزان و كه‌سوكارى شه‌هيدان ده‌كه‌م، هاوسۆز و هاوخه‌ميانم، هيواى زووچاكبوونه‌وه بۆ برينداران ده‌خوازم.”
