په‌یه‌ده به‌رده‌وامه له سوتاندن و داخستنی باره‌گاكانی ئه‌نه‌كه‌سه.
خواكوڕك
بەرپرسی نووسینگەی (ئەنەکەسە) لە ھەرێمی کوردستان “خالد عەلی”رايگه‌ياندوه”پەیەدە بەردەوامە لە کارە قیزەوەنەکانی و لە ماوەی سێ رۆژدا (23) نووسینگەی ئێمەی داخستووە و بەشێكيشانى سووتاندووە.
بەرپرسی نووسینگەی ئەنەکەسە لە ھەرێمی کوردستان (خالید عەلی) گوتیشی: “ئەو نووسینگانە لە شارەکانی قامیشلۆ، عامودا، گرکێلەکێ، حەسەکە، دێرک و کۆبانێ داخران سەربە ئەنەکەسەن کە ئەمانەن:
لە قامیشلۆ:
1.نووسینگەی پارتی دیموکراتی کوردستانی عێراق PDK داخرا.
- نووسینگەی پارتی دیموکراتی کوردستان-سووریا PDK-S رۆژھەڵات و رۆژئاوا داخرا.
- نووسینگەی ئەنەکەسە لە رۆژھەڵات کەلوپەلەکانی سووتێنرا.
- نووسینگەی یەکێتیی قوتابیان و لاوانی دیموکراتی کوردستانی رۆژئاوا (رۆژھەڵاتی قامیشلۆ) داخرا.
- نووسینگەی یەکێتیی (رۆژھەڵات و رۆژئاوا) کەلوپەلەکانی تاڵان کرا و داخرا”.
لە عاموده‌یش بەم شێوەیە:
- نووسینگەی پارتی دیموکراتی کوردستانی-سووریا PDK-S داخرا.
- بارەگای نووسینگەی ئەنەکەسە داخرا.
- نووسینگەی یەکێتیی قوتابیانی دیموکراتی کوردستانی رۆژئاوا داخرا.
- نووسینگەی حزبی یەکێتیی داخرا.
سەبارەت بەشاری حەسەکەش بەرپرسی نووسینگەی ئەنەکەسە لە ھەرێمی کوردستان گوتی:
- نووسینگەی رۆژئاوای پارتی دیموکراتی کوردستانی-سووریا داخرا.
- نووسینگەی پارتی دیموکراتی کوردستانی-سووریا لە گەڕەکی کلاسە (ئاڵای کوردستان سووتێنرا و تەقە لە نووسینگەکە کراوە).
- نووسینگەی ئەنەکەسەی خۆجێی رۆژھەڵات داخرا.
- نووسینگەی حزبی یەکێتی داخرا.
لەبارەی نووسینگەکانی ئەنەکەسە لە گرکێلەکێ گوتی: “نووسینگەی ئەنەکەسە تەقێنرایەوە و کەلوپەلەکانی نێوی سووتێندرا”.
بەرپرسی نووسینگەی ئەنەکەسە لە ھەرێمی کوردستان سەبارەت بەدێرکیش گوتی:
- نووسنگەی پارتی دیموکراتی کوردستانی-سووریا داخرا.
- نووسینگەی ئەنەکەسە سووتێنرا و زیانێکی زۆری ماددیی پێگەیشتووە.
- نووسینگەی سکرتاریەتی یەکێتیی قوتابیان و لاوانی دیموکراتی رۆژئاوا داخرا.
- نووسینگەی بزووتنەوەی گەنجانی کورد داخرا.
- نووسینگەی یەکێتیی ئافرەتانی کوردستان داخرا.
- پەیمانگای بەدرخان داخرا.
- نووسینگەی بارزانیی نەمر سەربە پەیمانگا داخرا.
- نووسینگەی یەکێتی داخرا.
سەبارەت بەکۆبانێیش گوتی: “نووسینگەی ئەنەکەسە داخرا و ھەڕەشەی سووتاندنی کراوە”.
