حەلبووسی : پشتیوانی لە پەیامەکەی ” سەدر ” دەکەم
محەمەد حەلبووسی سەرۆکی پەرلەمانی عێراق لە تویتێکدا وێرای دەربڕینی پشتیوانی خۆی لە پەیامەکەی موقتەدا سەدر رایگەیاندووە ،ئه‌نجوومه‌نی نوێنه‌ران نوێنه‌ری گه‌له، ئه‌و جه‌ماوه‌ره‌یش كۆبووه‌ته‌وه به‌شێكه له كیان و ویژدانی گه‌ل، به هیچ شێوه‌یه‌ك ناكرێت ئیراده‌یان بۆ هه‌ڵبژاردنی پێشوه‌خت، كه موقته‌دا سه‌در داوایكردووه، فه‌رامۆش بكرێت
هاوکات لە بەشێکی دیکەی تویتەکەیدا ئاماژەی بەوە کردووە : لایه‌نگری لە چوون به‌ره‌و هه‌ڵبژاردنی په‌رله‌مانی و خۆجێی پێشوه‌خته ده‌كه‌ین، له میانه‌ی خشته‌یه‌كی كاتی په‌سندكراودا، بۆ ئه‌وه‌ی سه‌ر له نوێ رێڕه‌وی دیموكراتی له ژێر چه‌تری ده‌ستوور و له‌یه‌كتێگه‌یشتن ده‌ستپێبكاته‌وه و گونجاو و هاوڕێك بێت له‌گه‌ڵ به‌رژه‌وه‌ندی باڵای گه‌ل.
