مەلابەختیار وەڵامی توندی نەجمەدین کەریم دەداتەوە، ململانێیان قولتر دەبێتەوە
خواکوڕک
پاش ئه‌وه‌ى “نه‌جمه‌دین كریم ” ئه‌ندامى مه‌كته‌بى سیاسى یه‌كیتى و پارێزگارى كه‌ركوك به ڕاگه‌یه‌نراوێك وه‌ڵامى “مه‌لا به‌ختیار ” به‌رپرسى ده‌سته‌ى كارگێرى حزبه‌كه‌ى دایه‌وه ، جارێكى دیكه “مه‌لابه‌ختیار ” وه‌ڵامنامه‌یه‌كى ئاڕاسته‌ى پارێزگاى كه‌ركوك و ئه‌ندامى مه‌كته‌بى سیاسى حزبه‌كه‌ى “نجم الدین كه‌ریم ” كرد .
“مه‌لا به‌ختیار ” به‌رپرسى ده‌سته‌ى كارگێڕى یه‌كێتى له سایتى ( چاودێر ) وه‌ڵامنامه‌یه‌كى بۆ ( نه‌جمه‌دین كه‌ریم ) بڵاوكردووه‌ته‌وه‌و ده‌ڵێت ” ئه‌وانه‌ى ماڵیان له شووشه‌یه ،له چوارده‌وره‌وه شه‌فافن و هه‌موو شتێكیان دیاره ، به‌ڵام ئه‌وانه‌ى ماڵیان له باڵه‌خانه‌و میوانخانه‌و ڤێلاخانه و بانقخانه‌كاندایه ، ئه‌وان ناتوانن به‌رد بهاونه ماڵَى خه‌ڵكى تر “.
له به‌شێكى ترى وه‌ڵامنامه‌كه‌دا به‌رپپرسى ده‌سته‌ى كارگێرى ده‌شڵێت ” د.نه‌جمه‌دین سه‌رپشك بێ … هه‌ربه‌ڵگه‌یه‌كى له‌سه‌ر گه‌نده‌ڵى ، نه‌وت فرۆشى ، گرێبه‌ستى نهێنى ، ئه‌رز دابه‌شكردن و فرۆشتن ، تاڵانكردن و چاوپۆشى له تاوان ، یان هه‌ركارێ:ى نه‌شیاوى له‌سه‌ر مه‌لابه‌ختیار هه‌یه ، باسه‌رپشك و بێباك بێ ، له باسكردنى “.
