فازڵ نەبی :حکومەتی هەرێم بە هۆی چاکسازییەوە ، پشتی بە خۆی بەستووە
لە لێدوانێکدا بۆ” دەزگای میدیایی خواکوڕک” فازڵ نەبی بریکاری پێشووی وەزارەتی دارایی حکومەتی عێراق گرنگی پرۆسەی چاکسازیی کابینەی نۆیەم لە ڕووی داهات و پشت بە خۆبەستن باس دەکات و ڕای وایە ، حکومەت توانیویەتی لە جیات دەرەوە پشت بە خۆی ببەستێت .
فازل نەبی لەم لێدوانیدا تیشک دەخاتە سەر ڕەوتی بەردەوامی پرۆسەی چاکسازیی و گوتی : حکومەتی ھەرێمی کوردستان بەھۆی چاکسازیەوە ھەنگاوی گەورەی ناوە، کە توانیویەتی لەجیاتی دەرەوە پشت بەخۆی ببەستێت و لەڕووی ئابووریشەوە مانگانە مووچە بدات و پڕۆژەش ئەنجامبدات، کە ئەمە ھەنگاوێکی زۆر گرنگە
دکتۆر فازڵ نەبی لەکۆتاییدا هەڵسەنگاندێک دەکات لە ڕووی پیوەری بەرێوەبەری دەڵێت : “لە ھەموو جیھان لە سیاسەت و ئابووریدا گرنگترین خاڵ یەکخستنی ناوماڵی خۆتە، بۆیە گرنگە پشت بەخۆت ببەستیت، کە بتوانی لەڕووی ئابووری پێداچوونەوە بکەیی و بتوانین ھەموو داھاتەکان کۆبکەیەوە و بۆ خەزێنەی دەوڵەت بگەڕێتەوە، کە مووچەی پێبدات و خزمەتی ھاووڵاتیانی بکات، بۆیە گرنگە پشت بەخۆت ببەستیت نەک بە خەڵکی دیکە لە دەرەوە، لە ئێستاشدا حکومەتی هەرێم ئەو سیاسەتەی گرتۆتە بەر و سەرکەوتوو بووە “.
