واشنتۆن: سوپای پاسداران هه‌وڵی تیرۆركردنی جۆن بۆڵتنیان داوه
وه‌زاره‌تی دادی ئه‌مه‌ریكا، سوپای پاسدارانی ئێرانی به‌وه تۆمه‌تباركرد، كه هه‌وڵی تیرۆركردنی جۆن بۆڵتن، راوێژكاری پێشووی ئاسایشی نه‌ته‌وه‌یی ئه‌مه‌ریكایان داوه.
به گوێره‌ی راگه‌یه‌ندراوێكی وه‌زاره‌تی دادی ئه‌مه‌ریكا، سوپای پاسداران له‌هه‌وڵی تۆڵه‌سه‌ندنه‌وه‌ی كوشتنی قاسم سوله‌یمانی فه‌رمانده‌ی فه‌یله‌قی قودسی ئێرانی، هه‌وڵیانداوه جۆن بۆڵتن تیرۆر بكه‌ن.
ئه‌وه‌ش خراوه‌ته‌ڕوو، ئه‌ندامێكی سوپای پاسداران، به‌ناوی شه‌هرام بورسافی، هه‌وڵیداوه له رێگه‌ی پێدانی پاداشتی 300 هه‌زار دۆلار، بۆ ئه‌و كه‌سه‌ی كه بۆڵتن تیرۆر بكات.
