بافڵ تاڵەبانی پیرۆزبایی لە پارتی دەکات
![](https://xwakurk.com/wp-content/uploads/2022/08/frame-website-1-73.jpg)
“هیوادارم ئەم یادە ببێتە هاندەرێك بۆ قووڵبوونەوەی گیانی تەبایی و كاری
بەبۆنەی ساڵیادی دامەزراندنی پارتی، بافڵ تاڵەبانی سەرۆکی یەکێتی نیشتمانی کوردستان، پەیامێکی ئاراستەی پارتی دیموکراتی کوردستان کرد و رایگەیاند: هیوادارم ئەم یادە ببێتە هاندەرێك بۆ قووڵبوونەوەی گیانی تەبایی و كاری پێكەوەیی.
دەقی پەیامی بافڵ تاڵەبانی:.
بەڕێزان سەرۆك، سەركردایەتی، ئەندام و لایەنگرانی پارتی دیموكراتی كوردستان
بەبۆنەی ساڵیادی دامەزراندنی پارتی دیموكراتی كوردستانەوە گەرمترین پیرۆزباییتان لێدەكەم و هیوای سەركەوتنتان بۆ دەخوازم.
هیوادارم ئەم یادە ببێتە هاندەرێك بۆ قووڵبوونەوەی گیانی تەبایی و كاری پێكەوەیی لەپێناو زیاتر خزمەتكردنی خەڵكی خۆشەویستی كوردستان.
گفتوگۆ و لێكتێگەیشتن ببێتە هەوێنی كاركردنمان و بەرژەوەندییە نەتەوەیی و نیشتمانییەكان بخەینە پێش بەرژەوەندییە حزبییەكان.
هەر شاد و سەرفرازبن
بافڵ جەلال تاڵەبانی سەرۆکی یەکێتیی نیشتمانیی کوردستان
16ی ئابی 2022