گەشتی وەزیری بەرگری ئیسرائیل بۆ ئەمریکا بەمەبەستی گەیاندنی “پەیامێکی ڕوون سەبارەت بە دانووستان لەگەڵ ئێران”
بەرەبەیانی رۆژی پێنجشەممە ، وەزیری بەرگریی ئیسرائیل، لە سەرەتای گەشتەکەیدا بۆ واشنتۆن بۆ کۆبوونەوە لەگەڵ هاوتا ئەمریکییەکەی و بەرپرسانی دیکەی ئیدارەی جۆ بایدن، لە تۆڕی کۆمەڵایەتی تویتەر نووسیویەتی، ئامانج لە گەشتەکەی بۆ “گەیاندنی پەیامێکی ڕوونە سەبارەت بە دانووستانەکانی نێوان زلهێزەکان و ئێران سەبارەت بە بووژانەوەی ڕێککەوتنی ئەتۆمی.” ».
بە وتەی بێنی گانتز، وەزیری بەرگری، ئەو ڕێککەوتنە ئەتۆمییەی کە داڕێژراوە، “پاشەکشە بە تواناکانی ئێران ناکات و بۆ ساڵانی داهاتوو بەهێزتر دەبێت “.
ئاماژەی بەوەشکرد، رێککەوتنەکە “زیان بە ئاسایشی جیهانی و ناوچەیی دەگەیەنێت”.
ژەنەڕاڵ گانتز دووەم بەرپرسی ئیسرائیلییە کە بە پەلە و لە پلانێکی پێشوەختە دیاری نەکراودا، دوای زیادبوونی ڕاپۆرتەکان سەبارەت بە پێشکەوتنی دانوستانەکان سەبارەت بە زیندووکردنەوەی JCPOA، چووە واشنتۆن بۆ ئەوەی دەسەڵاتدارانی ئەمریکا لە ناڕازیبوونی قووڵی ئیسرائیل لەم پێشهاتە ئاگادار بکاتەوە.
