به‌هۆی وه‌رگه‌ڕانی ئۆتۆمبێلێك 6 كه‌س بوونە قوربانی
ئێوارەی ئەمڕۆ هەینی لە ئاکامی وەرگەڕانی ئۆتۆمبێلێکی جۆری پیکاب نیسان لە دۆڵی باڵەییانی سنووری قەسرێ لە قەزای چۆمان،6 کەس بوونە قوربانی.
عەبدولڕەحمان مەولوود بەرپرسی بنکەی تەندروستی قەسرێ لە لێدوانێکدا بۆ ڕاگەیاندنەکان گوتی :کاتژمێر 6:45ی ئێوارەی ئەمڕۆهه‌ینی 3 تەرم گەیەنرانە نەخۆشخانەکەمان کە بەهۆی وەڕگەڕانی ئۆتۆمبێلەکەیان گیانیان لەدەستدابوو لە ڕێگای گوندی خەزێنە لەدۆڵی باڵەییان، هه‌روه‌ها له ڕووداوه‌كه 3 كه‌سی تریش بریندار ببوون.
ڕاشیگەیاند: ئەوانەی گیانیان لەدەستداوە ناوه‌كانیان بریتین له (سەرکەوت ئەحمەد، شا سەرکەوت ئەحمەد و بوشڕا عوسمان عەوڵا).
هه‌روه‌ها ڕایگه‌یاند: بریندارەکانیش دوای گرتنەبەری ڕێوشوێنی پێویستی پزیشکی، بەهۆی سەختی برینەکانیانه‌وه رەوانەینەخۆشخانەی فریاکەوتنی سۆران کران.
بەپێی زانیاریەکان ئەو کەسانەی تووشی ئەم ڕووداوەكه هاتوون خەڵکی گوندی خەزێنەی دۆڵی باڵەییانن لە سنووری قەسرێ و ئەمڕۆلە كاتی گه‌ڕانه‌وه‌یان له گوندەکەیان تووشی ئه‌و ڕووداوه بوون، هه‌روه‌ها بەشێکیشیان دانیشتووی شاره‌دێی قەسرێن.
