بکوژی پیاوەکەی نێو بازاڕی هەولێر دەستگیرکرا
![](https://xwakurk.com/wp-content/uploads/2022/06/20220426_210922.jpg)
دوای ئەوەی ئێوارەی ئەمڕۆ کەسێک لە ناو بازاڕی هەولێر کوژرا، پۆلیسی هەولێر ڕایگەیاند بکوژەکە خۆی ڕادەستی هێزەکانی پۆلیس کرد.
عەمید دلێر نەجاڕ، بەڕێوەبەری پۆلیسی پارێزگای هەولێر رایگەیاند: ئەو کەسەی ئێوارەی ئەمڕۆ لە بازاڕ کەسێکی کوشت، خۆی رادەستی هێزەکانی پۆلیس کرد.
پێشتر پۆلیسی هەولێر رایگەیاندبوو کە ئەمڕۆ شەممە 27/8/2022، بەڕێوەبەرایەتی پۆلیسی پارێزگای هەولێر ئاگادار کرانەوە بەبوونی ڕووداوێکی کوشتن لە کۆڵانی ئارد فرۆشان پێش تەکییەی شێخ عبدالکریم، دەستبەجێ هێزەکانمان گەیشتنە شوێنی ڕووداو و دەرکەوت کەوا کەسێک بەناوی (نامیق جەوهەر عەوڵا)، تەمەن 51 ساڵ، پیشە خاوەن مۆلیدە لەگەڕەکی مامۆستاییانی نوێ کوژراوە”.
ئاماژەشی بەوەدابوو کە بکەری تاوانەکە دوو کەس بوونە بەناوەکانی (س، ڕ) و (ڕ، ڕ) هۆکارەکەشی بۆ کێشەیەکی کۆمەڵاییەتی دەگەڕێتەوە کە کوژراو دەکاتە کوڕی ئامۆزای بکوژ.