ئەمڕۆ مووچەی وەزارەتی پەروەردە دابەشدەكرێت
وەزارەتی دارایی و ئابووری حكوومەتی هەرێمی كوردستان، لەدابەشكردنی مووچەی مانگی هەشتی دام و دەزگاكان بەردەوامە.
بەگوێرەی خشتەی راگەیاندراوی وەزارەت، ئەمڕۆ پێنجشەممە 8ی 9ی 2022، مووچەی وەزارەتی پەروەردە دابەشدەكرێت.
وەزارەتی دارایی و ئابووری حكوومەتی هەرێمی كوردستان، رۆژی پێنجشەممەی هەفتەی رابردوو، 1ی 9ی 2022، دەستی بەدابەشكردنی مووچە كرد و لەدەستپێكدا وەزارەتی تەندروستی وەریگرت.
بەگوێرەی لیستەكە دابەشكردنی مووچە بەردەوام دەبێت تا ڕۆژی 21 و 22ی 9 كە دوا وادەی دابەشكردنی مووچەی خانەنشینانی پێشمەرگە دەبێت.
