مەسرور بارزانی سەرەخۆشی لە بەریتانیا دەکات
مەسرور بارزانی، سەرۆکی حکومەتی هەرێمی کوردستان رایگەیاند: بەناوی حكومەتی هەرێم و گەلی کوردستانەوە، پرسە و سەرەخۆشیمان لە بنەماڵەی شانشین و حکومەت و خەڵکی شانشینی یەکگرتوو کرد.
ئەمڕۆ دووشەممە 12ی ئەیلوول ، مەسرور بارزانی سەرۆکی حکومەتی هەرێمی کوردستان ، بۆ کۆچی دوایی شاژن ئێلیزابێتی دووەم، شاژنی کۆچکردووی شانشینی یەکگرتوو، لە شاری هەولێر، پرسە و هاوخەمی حکومەتی هەرێم و خەڵکی کوردستانی لە ڕێگەی کونسولی گشتیی بەریتانیا دەیڤد هانت، بە خەڵکی بەریتانیا گەیاند.
سەرۆکی حکومەت، لە تۆماری پرسەدا، بەناوی حكومەتی هەرێم و گەلی کوردستانەوە، پرسە و سەرەخۆشی لە بنەماڵەی شانشین و حکومەت و خەڵکی شانشینی یەکگرتوو کرد.
