فڕۆکەیەکی بێ فڕۆکەوان له قه‌ڵادزێ تێکشکا
ئیوارەی ئەمڕۆ له باكووری رۆژئاوای قه‌ڵادزێ فڕۆكەیەكی بێ فڕۆكەوان تێكشكا و تاوه‌كو ئێستا هۆكاره‌كه‌ی تێكشكانی فڕۆكەكە و شوێنی ئاراستە كرانی فڕۆكەكە نه‌زاندراوه.
بە پێی زانیارییەكانی دەزگای میدیایی خواكوڕك ئێوارەی ئەمڕۆ لە سنوری قەلادزێ فڕۆكەیەكی بێ فڕۆكەوان تێكشاوە، تا ئێستا هیچ زانیارییەك لە بارەی هۆكاری تێكشانی فڕۆكەكە ئاشكرا نەكراوە.
سەرچاوەیەكیش لە دەزگا ئەمینەكانی سنورەكە بۆ خواكوڕك پشتڕاستی كردەوە كە فڕۆكەیەكی بێ فڕۆكەوانە لە باكوری رۆژئاوای قەڵادزێ كەوتۆتە خوارەوە و بەڵام هیچ زانیاریەكی لە بارەی سەرچاوەی ئاراستەكردنی فڕۆكەكە و هۆكاری كەوتنە خوارەوە فڕۆكەكە ئاشكرا نەكرد.
ئەو سەرچاوەیە گوتیشی هێزە ئەمنیەكان لە ئێستادا سەرقاڵی لێكۆڵینەوەن لە بارەی رووداوەكە.
