خۆپیشاندانەکانی رۆژهەڵاتی کوردستان کوژراو و بریندارێکی زۆری لێکەوتۆتەوە .
بەردەوامیی خۆپیشاندان و ناڕەزایەتی دەربڕینی بەرفراوانی خەڵکی رۆژهەڵاتی کوردستان سەبارەت بە گیان لە دەستدانی ” ژینا ئەمینی ” خەڵکی سەقز گەیشتۆتە ڕادەیەک ئەمریکا و ڕێکخراوەکانی جۆراوجۆری جیهانی ئیدانەی کردەوەکانی ئێران بکەن .
خۆپیشنانەکانی دوێنێی شارەکانی رۆژهەڵاتی کوردستان ، بوو بە هۆی ئەوەی لە زۆرێک لە شارەکانی تری ئێرانیش خەڵک بێنە سەر شەقام و بە تەواوەتی دۆخی ناوخۆیی ئێران بەرەوە ئاستێکی مەترسیدار بڕوات بۆ دەسەڵاتی ئێران .
لە بەردەوامیی ئەو خۆپیشاندانانەدا کە بوو بە هۆی تێک هەڵچوونی خەڵک و هێزە ئەمنییەکانی کۆماری ئیسلامیی ئێران ، بە پێی دوایین زانیارییەکانی ” دەزگای میدیایی خواکوڕک ” تا ئێستا شەهید بوونی 7 هاووڵاتی کورد و 152 بریندار بە شێوەی فەرمی پشتڕاست کراوەتەوە .
هاوکات هێزەکانی ئەمنیی کۆماری ئیسلامی دەستیان داوەتە دەستبەسەرکردنی بەرفراوانی لاوانی کورد لە هەموو شارەکان و زیاتر لە 300 کەس دەستبەسەر کراوە .
لە ناو بریندارەکانیشدا ژن و منداڵ هەیە کە بە تەقەی ڕاستەوخۆی هێزەئەمنییەکان بریندار کراون .
