بڕە پارەیەکی زۆر گەیشتە هەرێمی کوردستان و حەفتەی داهاتوو دابەش دەکرێت
بەرێوەبەری گشتی بازرگانی لە وەزارەتی پیشەسازی و بازرگانی حکومەتی هەرێمی کوردستان ئاشکرای دەکات: چەکی دوا بڕە پارەی جوتیاران بۆ ساڵی ٢٠٢٢ گەیشە دەستیان و، حەفتەی داهاتوو دابەشی دەکەن.
نەوزاد شێخ کامیل بەڕێوەبەری گشتی بازرگانی ئەمڕۆ پێنج شەممە، ڕایگەیاند:”چەکی دوا بڕە پارەی جوتیاران بۆ ساڵی ٢٠٢٢ گەیشە دەستیان کە بریتیە لە بڕی( سی و چوار ملیار و شەش سەدو سیانزە ملیون و حەفتاوحەوت هەزار دینار).
لەبارەی بڕی پارەکەش گوتی:” بەم شێوەی لای خوارەوە بەپێی شارەکان دابەشکراوە:-
سلێمانی / هەشت ملیار و حەوت سەدو نەوەدو هەشت ملیون دینار
هەولێر/ بیست و دوو ملیار و شەش سەد و هەشتاو حەوت ملیۆن دینار .
دهۆک/ سێ ملیار و سەدو بیست و هەشت ملیۆن وحەفتاوحەوت هەزار دینار .
گوتیشی:” بەم شێوەیە کۆتای بە پارەی جوتیاران بۆ ساڵی ٢٠٢٢هات.
باسی لەوەشکرد:” لەسەرەتای هەفتە ی داهاتوو پاش وەرگرتنی ڕێکارە کارگێری و داراییەکان دەست بە دابەش کردنی دەکرێت .
