ریفراندۆمه‌كه‌ی روسیا له باشور و رۆژئاوای ئۆكراینا ده‌ستیپێكرد
ئه‌مڕۆ هه‌ینی، ریفراندۆم بۆ گه‌ڕانه‌وه سه‌ر رووسیا له كۆماره‌كانی دۆنیتسك و لۆگانسك و ناوچه‌ی خێرسۆن و زابۆریژه ده‌ستیپێكرد.
له ناوچه‌كانی زابۆریژه و خێرسۆن، ئه‌م پرسیاره له خه‌ڵك كراوه: ئایا جیابوونه‌وه له ئۆكراینا و هه‌رێمه‌كه ببێته ده‌وڵه‌تێكی سه‌ربه‌خۆ و بلكێت به رووسیاوه په‌سند ده‌كه‌یت؟”.
سه‌رۆك و رابه‌ری كۆماری گه‌لی دۆنێتسک رایگه‌یاندبو، 23 بۆ 27 ئه‌م مانگه پڕۆسه‌ی ئه‌نجامدانی ریفراندۆم له كۆماره‌كه‌یان بۆ بون به به‌شێك له‌خاكی روسیا ئه‌نجامده‌ده‌ن و پاش راگه‌یاندنی ئه‌نجامه‌كانیش سوپای روسیا پارێزگاری له سنوره‌كانی ئه‌و كۆماره نوێیه‌یان ده‌كات.
له‌به‌رامبه‌ریشدا، ڤۆڵۆدمیر زیلێنسكی، سه‌رۆكی ئۆكراینا ئه‌مڕۆ له لێدوانێكدا رایگه‌یاند، ئه‌و بانگه‌واز و راگه‌یه‌ندراوانه‌ی باس له ئه‌نجامدانی ریفراندۆم له چه‌ند ناوچه‌یه‌كی وڵاته‌كه‌ی ده‌كه‌ن، به هیچ شێوه‌یه‌ك كاریگه‌ری له‌سه‌ر هه‌ڵوێست و ئامانجه‌كانی كیێڤ ناكات.
خۆرئاواییه‌كان به تایبه‌تی ئه‌مه‌ریكا و یه‌كێتی ئه‌وروپا به توندی دژی ئه‌م ریفراندۆمه‌ی خه‌ڵكی ئه‌و ناوچانه وه‌ستاونه‌ته‌وه و ریفراندۆمه‌كه به نایاسایی و پێچه‌وانه‌ی بنه‌ماكانی سیاسه‌تی نێوده‌وڵه‌تی وه‌سف ده‌كه‌ن.
