حکوومەتی هەرێمی کوردستان: پێشێلكردنی سەروەریی خاكی هەرێمی كوردستان سەركۆنە دەكەین
سەرۆكایەتیی حكوومەتی هەرێمی كوردستان راگەیاندراوێكی لەبارەی بۆردومانكردنی بنكەكانی ئۆپۆزسیۆن لە لایەن كۆماری ئیسلامیی ئێران بڵاو كردەوە و سەركۆنەی كرد.
ئەمەش دەقی راگەیاندراوەكەیە:-
ڕاگەیەندراوێک لە حکوومەتی هەرێمی کوردستانەوە
بەزاندن و پێشێلکردنی چەندبارەی سەروەریی خاکی هەرێمی کوردستان بە مووشەکباران، بە توندی سەرکۆنە دەکەین.
بۆردومانکردنی بنکەکانی ئۆپۆزسیۆن بە مووشەک لە لایەن کۆماری ئیسلامیی ئێرانەوە، بە هەر پاساوێک، هەڵوێستێکی ناڕاست و بەلاڕێدابردنی ڕەوتی ڕووداوەکانە و جێگای سەرسوڕمانە. ئەم جۆرە هێرشانە، کە بەردەوام دەکرێنە سەر خاکمان و بەو هۆیەوە ، خەلکی سیڤیلیش دەبنە قوربانی، شەرمەزار دەکەین و پێویستە کۆتایی بەم دەستدرێژیانە بهێنرێت.
سەرۆکایەتيی حکوومەتی هەرێمی کوردستان
2022/9/28
