وەزیرێكی عێراق بەپەلە خۆی گەیاندە هەرێمی کوردستان
بەرەبەیانی ئەمڕۆ وەزیری كشتوكاڵی عێراق، بە سەردانێك گەیشتە سلێمانی بۆ پرسی ئاو و لەگەڵ وەزیری كشتوكاڵی هەرێمی كوردستان كۆبوونەوەیەك ئەنجام دەدات.
بەپێی زانیارییەكان، مەهدی ڕەشید ئەلحەمدانی وەزیری سەرچاوە ئاوییەكانی حكوومەتی فیدراڵی و شاندێكی وەزارەت گەیشتنە سلێمانی.
بەپێی زانیارییەكان ئامانج لە سەردانی وەزیری كشتوكاڵی عێراق، مەبەست لێی كۆبوونەوەیە لەگەڵ بێگەرد تاڵەبانی وەزیری كشتوكاڵ و سەرچاوە ئاوییەكانی هەرێمی كوردستان، ئەوەیش دوای ئەو وشكەساڵییەی عێراقی گرتووەتەوە و مەترسی بە بیابانبوونی هەشت پارێزگای عێراق هەیە.
لە بەشێكی تری بەرنامەی سەردانەكەی وەزیری كشتوكاڵی عێراق، بۆ بەشداریكردنە لە كۆنفرانسی زانستیی زانكۆی كۆماری تایبەت بە ستراتیجیی ئاو و سەرچاوە ئاوییەكان، بۆیە سەردانی سلێمانی كردووە
