پەكەكە یادی شنگالی بۆ دژایەتی پارتی بەكارهێنا
لەساڵیادی كارەساتی شنگال دا پارتی كرێكارانی كوردستان لە وڵاتانی ئەوروپا، خۆپێشاندانەكانی بۆ دژایەتی پارتی بەكار دەهێنیێت و دروشمەكانی بریتین، لە بژی سەرۆك ئاپۆ، پارتی شنگالی تەسلیم كرد ، پێشمەرگە شنگالی فرۆشت و بژی یەبەشە و یەپەگە و یەپەژە.
سەرچاوەیەكی ئاگادار بە خواكوركی راگەیاند لە ساڵیادی كارەساتی شنگال پەكەكە لە وڵاتانی ئەوروپا، كارەساتی شنگال بۆ دژایەتی حزبی بەكار دەهێنێت ، لە دروشمەكانی دا تەنها دژایەتی پێشمەرگە و هەرێمی كوردستان و پارتی دیموكراتی كوردستان دەبینرێت.
هەر ئەو سەرچاوە ئاگادارە كە لە وڵاتی ئەلمانیا دەژیت نەیویست ناوی ئاشكرا بكرێت، گوتی پەكەكە كارەساتی شنگال لە قەبارەی خۆی بچووك دەكاتەوە و وەك ناكۆكی نێوان حزبەكەی خۆی و پارتی وێنای دەكات، ئەمەش نارەحەتی زۆری لەناو ئیزیدیەكانی لێكەوتۆتەوە.
