پەرلەمانی ئەرووپا توند و تیژییەکانی ئێران سەبارەت بە خۆپیشاندەران مەحکوم دەکات

ڕۆژی پێنجشه‌ممه‌ په‌رله‌مانی ئه‌وروپا وێڕای مه‌حکوم کردنی گیان له‌ده‌ستدانی ژینا ئه‌مینی له‌ لایەن گەشتی ئیرشادی تاران  داواکاری  سزادانی ئه‌نجامده‌رانی ئه‌م ڕووداوه‌ بوو.

ڕۆژی پێنج شەممە ، پەرلەمانی ئەورووپا ئیدانەکردنی مەرگی ژینا ئەمینی پەسەند کرد و داوای لە یەکێتی ئەوروپا کرد تاوانبارانی کوشتنی ژینا ئەمینی و ئەو کەسانەی دەستیان هەبوو لە سەرکوتکردنی ناڕەزایەتییەکانی ئەم دواییەی ئێران سزا بدات.

نووسینگەی ڕاگەیاندنی پەرلەمانی ئەوروپا لە بەیاننامەیەکدا ڕایگەیاندووە: “ئەندامانی پەرلەمان بە توندی ئیدانەی مردنی  ژینا ئەمینی دەکەن و خوازیاری لێکۆڵینەوەیەکی بێلایەن و کاریگەر و لە سەرووی هەمووشیانەوە سەربەخۆ بوون لە مامەڵەی خراپ و مردنە دڵتەزێنەکەی”.

هاوکات وێڕای پشتیوانیی تووند لە بزووتنەوەی ناڕەزایی ئاشتیخوازانەی گەلانی ناو ئێران ، دوا دەکرێت یەکێتی ئەرووپا پێداچوونەوە بە پێوەندییەکانی خپیدا بکات لە گەڵ دەسەڵاتی ئێران

:لە کۆتاییشدا “نوێنەرانی مەجلیسی ئەورووپا داوا لە حکومەتی ئێران دەکەن بە زووترین کات هەموو دەستبەسەرکراوەکان بەبێ هیچ مەرجێک ئازاد بکەن.”