ئەرسەلان جاف: شەڕی نێوان باڵ و قۆچەكانی یەكێتی بەردەوامی ھەیە
شەڕی نێوان باڵ و قۆچەكانی یەكێتی بەردەوامی ھەیە
ئەرسەلان جاف
شەڕی نێوان باڵ و قۆچەكانی یەكێتی بەردەوامی ھەیە، ئەویش دوای رووداوەکانی ٨ـی تەمموزی پارساڵ کە بە کوژرانی موراد کانی کوردەیی و پاسەوانەکانی دەستی پێکرد، ئەمڕۆش لە ھەولێر بە شەھیدکردنی ھاوکار جاف درێژە بەم تەسفیەیەی نێو ئەو حزبە درا، بە ئامانجکردنی کانی کوردەییەکان و جافییەکان بێ وەفای یەکێتیمان نیشان دەدات .
ئەم رووداوە گەر سەیر بکەین ، رووداوێکە پێمان دەڵێت کە کەسێک چەندین ساڵ خزمەتی یەکێتی کرد بەڵام وەفای ئەو خزمەتەی لەلایەن قیادەی یەکێتییەوە پێ درایەوە بە کوشتنی و بە ئامانجکردنی تەواوی خێزانەکەی، ئەم رووداوە کە جگە لەوەی تیرۆریستیە ، ھاوکار جاف وێرای خزمەتی زۆری لە ریزەکانی یەکێتی و ھەڵوێستی دژی یەکێتی ئێستا، بە چەند بۆمبێکی چێنراو کرایە ئامانج لە ھەولێر و ژیانی لێ سەندرایەوە ھاوشێوەی موراد کانی کوردەیی.
بۆیە پێویستە ھەموو لایەک ئەوە بزانن کە لایەنێک بتوانێت خزمەتی خەڵکانێکی خۆی ژێر پێ بخات، دەبێ خەڵکیش چیتر خۆیانی تێدا نەبیننەوە و بێنەوە ھۆش.
