سەرۆکی حکومەتی هەرێمی کوردستان پێشوازی لە عەلی فاروق ئەلبەریر کرد
گفتوگۆ لەبارەی پەرەپێدانی هاریکاریی و هەماهەنگیی نێوان حکومەتی هەرێمی کوردستان و نەتەوە یەکگرتووەکان کرا
مەسرور بارزانی، سەرۆکی حکومەتی هەرێمی کوردستان، پێشوازی لە عەلی فاروق ئەلبەریر، بەڕێوەبەری نووسینگەی نەتەوە یەکگرتووەکان تایبەت بە ماددەی هۆشبەر و تاوان(UNODC) لە عێراق کرد.
لە کۆبوونەوەکەدا، گفتوگۆ لەبارەی پەرەپێدانی هاریکاریی و هەماهەنگیی نێوان حکومەتی هەرێمی کوردستان و نەتەوە یەکگرتووەکان کرا، بە تایبەتی بۆ رووبەڕووبوونەوەی تاوانی رێکخراو و ماددەی هۆشبەر و بازرگانیکردن بە مرۆڤ.
لە تەوەرێکی دیکەی کۆبوونەوەکەدا، هەبوونی پلانی هەرێمی کوردستان بۆ مافەکانی مرۆڤ بە بەرزی نرخێنرا، کە بەشێکە لە چاکسازییەکانی کابینەی نۆیەم لە بواری بەهێزکردنی بنەماکانی ئازادیی و دیموکراسی و پاراستنی مافەکانی مرۆڤ بەگشتی.
