بۆریس جۆنسن گەڕایەوە بەریتانیا و چاوی لە پۆستی سەرۆکوەزیرانە
بۆریس جۆنسن، سەرۆکوەزیرانی پێشووی بەریتانیا گەڕایەوە وڵاتەکەی و چاوی لەوەیە، دووبارە ببێتەوە بە سەرۆکوەزیران. بەڵام لە نێو پارتی پارێزگاراندا پشتیوانیی پێویستی لێ ناکرێت؛ دۆمینیک راب، کە لە کابینەی جۆنسندا جێگری سەرۆکوەزیران و وەزیری دەرەوەش بوو دەڵێت، گەڕانەوەی جۆنسن ئاسان نابێت.
لەگەڵ بەهێزبوونی رکابەرایەتیی سەرکدایەتیی پارتی پارێزگاران، بۆریس جۆنسن و خێزانەکەی، رۆژی شەممە، کۆتاییان بە گەشتی خۆیان لە کۆماری دۆمینیکا هێنا و گەڕانەوە بەریتانیا.
ڕۆژی هەینی هاوپەیمانێکی سیاسیی جۆنسن بە میدیای وڵاتەکەی گوت، قسەی لەگەڵ سەرۆکوەزیرانی پێشوودا کردووە و جۆنسن ئامادەیە بگەڕێتەوە.
