سەرۆکی حکومەت پیرۆزبایی لە سەرۆک وەزیرانی نوێی فیدراڵ دەکات

ئەمشەو پێنجشەممە 27ی ئۆکتۆبەر، مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا، پیرۆزبایی لە سەرۆک وەزیرانی نوێی فیدراڵ محەمەد شیاع سوودانی کرد بەبۆنەی متمانەپێدانی لە لایەن ئەنجومەنی نوێنەرانی عێراق .

سەرۆکی حکومەت، هیوای سەرکەوتنی بۆ سەرۆک وەزیرانی نوێی فیدراڵ خواست لە ئەرکی تازەیدا.

لەمبارەیەوە ، سەرۆکی حکومەت لە تویتێکدا ڕایگەیاند” ئەمشەو بە تەلەفۆن لەگەڵ سەرۆک وەزیران محەمەد شیاع سوودانی قسەم کرد و دڵنیام کردەوە کە پشتیوانیی دەکەم لە پێناو دەستپێکێکی نوێ لە پەیوەندییەکانی نێوان هەولێر و بەغدا، کە ببێتە هۆی پەرەپێدانی هەماهەنگیی و گفتوگۆ لە بری ململانێ و ڕووبەڕووبوونەوە. وڵات پێویستی بەم جۆرە هاوبەشیەیە”