سەکردەیەکی گۆڕان، خەریکە سلێمانی بە دەستی کوڕی بەرپرسەکانی یەکێتی وێران دەبێت
دوای ئەوەی چەندین جار کوڕی بەرپرسانی یەکێتی لە سلێمانی تەقەیان لە هاووڵاتیانکرد، دواهەمینیان کوڕی سەرکردەی یەکێتی جەمیل هەورامی تەقەی لە خەزوری خۆی کردوو برینداری کرد، سەرکردەیەکی گۆڕان دەڵێت:” خەریکە سلێمانی وێران دەبێت”.
سیامه‌ند عه‌لی مه‌حموود، ئەندامی جڤاتی گشتیی گۆڕان لەو بارەیەوە راگەیاند: ”ئەو دیمەنەی شەوی رابردوو لە شەقامێگی قه‌ره‌باڵغ و گه‌وره‌ی شاری سلێمانی بینیمان كە كوڕی به‌رپرسێكی یه‌كێتی به دوای خه‌ڵك كەوتبوو و ته‌قه‌ی له خه‌ڵكی ده‌كرد، چه‌ند مانگ پێش ئێستاش بینیمان كە كوڕی به‌رپرسێكی دیكه ته‌قه‌ی له كارمەندێكی سكیوریتی كرد و كوشتی، جگە لەوەی ماوە نا ماوە دەبیستین ماڵی فڵانه كه‌س ته‌قەی لێ ده‌كرێت، ئه‌مه عه‌یبه‌یه‌كی گه‌وره‌یە بۆ سلێمانی، دیمه‌نێكی ترسناكیشی دروست كردووه.“
ئەندامی جڤاتی گشتیی گۆڕان راشیگەیاند: ”ئه‌وه‌ی دوێنێ شەو له سلێمانی ڕووی دا، ترسناك بوو، كوڕی ئه‌م به‌رپرسانه خه‌ریكه سلێمانی وێران ده‌كه‌ن.“
بە بڕوای ئەو سەركردەیەی گۆڕان: ”ناكرێت بێیاسایی لە سلێمانی هەبێت و یاسا نەتوانێت لەم سنوورەدا سەروەر بێت و سزای ئەوانە بدات كە خەڵكی بێتاوان دەكوژن یان بریندار دەكەن.“
