سه‌رۆك وه‌زيرانى كه‌نه‌دا نه‌ورۆز له گه‌لى كورد پيرۆز ده‌كات.
خواكوڕك
سه‌رۆك وه‌زيرانى كه‌نه‌دا (جه‌ستن ترودۆ) پيرۆزبايى جه‌ژنى نه‌ورۆزى له كورد و فارس و نه‌ته‌وه‌كانى ئاسياى ناوه‌ڕاست و ئيسماعيلييه‌كانى كه‌نه‌دا كرد.
جه‌ستن ترودۆ سه‌رۆك وه‌زيرانى كه‌نه‌دا له پيرۆزباينامه‌كه‌يدا ده‌ڵێت: به ناوى حكومه‌تى كه‌نه‌دا و خۆم و سۆفياى هاوسه‌رم ساڵى نوێى پڕ له خۆشى و خۆشگوزه‌رانى بۆ هه‌موو ئه‌وانه ده‌خوازم، كه جه‌ژنى نه‌ورۆز له كه‌نه‌دا و سه‌رتاسه‌رى جيهان ده‌گێڕن.
هه‌روه‌ها نووسيويه‌تى: ئه‌مساڵ له كاتێكدا يادى 150 ساڵه‌ى كۆنفيدراسيۆنى كه‌نه‌دا ده‌كه‌ينه‌وه داوا له هه‌موو كه‌نه‌دييه‌كان ده‌كه‌م رێز له كلتوور و نه‌ريت و بيروباوه‌ڕى جياواز له كه‌نه‌دا بگرن، كه بووه‌ته شوێنێكى هه‌مه‌گير بۆ هه‌موو لايه‌ك.
له به‌شێكى ديكه‌ى پيرۆزباينامه‌كه‌يدا هاتووه: به‌م بۆنه‌يه‌وه، پێويسته رێز له به‌شدارى فارس و نه‌ته‌وه‌كانى ناوه‌ندى ئاسيا و كورد و ئيسماعيلييه‌كانى كه‌نه‌دا بگرين.
له كۆتايى پيرۆزباينامه‌كه‌شدا نووسيويه‌تى: هه‌ر رۆژێكتان نه‌ورۆز بێت و نه‌ورۆزتان پيرۆز بێت.
