یەکێتی پیرۆزبایی سەرکەوتنی کۆنگرەی چواردەی پارتی دەکات
مەکتەبی سیاسیی یەکێتی نیشتمانی کوردستان، بەبۆنەی کۆتاییهاتنی کۆنگرەی 14ی پارتی، پیرۆزبایی لە کۆمیتەی ناوەندیی پارتی دیموکراتی کوردستان دەکات و رایدەگەیەنێت: ئومێدمان وایە راسپاردەو بڕیارەکانی کۆنگرە بە قازانجی سەرخستنی ئەزموونی گەلەکەمان و تەبایی و حکومڕانییەکی باشتر و شایانی هاووڵاتیانی کوردستان بوو بێت.
دەقی پەیامی مەکتەبی سیاسی یەکێتیی نیشتمانیی کوردستان:
بەڕێزان کۆمیتەی ناوەندیی نوێی پارتی دیموکراتی کوردستان
پاش رێزو سڵاو
بەناوی یەکێتی نیشتمانیی کوردستانەوە پیرۆزبایی سەرکەوتنی کۆنگرەی چواردەمینی پارتەکەتان و هەڵبژاردنی سەرکردایەتی نوێی پارتی دیموکراتی کوردستانتان لێ دەکەین .
ئومێدمان وایە راسپاردەو بڕیارەکانی کۆنگرە بە قازانجی سەرخستنی ئەزموونی گەلەکەمان و تەبایی و حکومڕانییەکی باشتر و شایانی هاووڵاتیانی کوردستان بوو بێت .
مەکتەبی سیاسی یەکێتیی نیشتمانیی کوردستان
