به‌رپرسێکی پارتی: بەم نزیکانە پارتی دەگەڕێتەوە کەرکوک و بارەگاکانی دەکاتەوە

مانه‌وه‌ی پارتی له‌ ده‌ره‌وه‌ی که‌رکووک و چۆڵنەكردنی بارەگاكانی، ”زیان به‌ دۆزی ره‌وای کورد له‌و ناوچانه‌ دەگەیەنێت

لە لێدوانێکدا بۆ ڕاگەیاندنەکان کاوه‌ ئه‌حمه‌د، به‌رپرسی ناوچه‌ی سێی پارتی لە كەركووك ڕایدەگەێنێت : ”تا ئێستاش بە سەربازگەكردنی كەركووك بەردەوامە، بەڵام بڕیار دراوە کە لەم نزیکانە بارەگاکانی خۆمان وەرگرینەوە و بگەڕێینەوە بۆ ناو کەرکووک، چونکە ڕێککەوتن هەیە لەگەڵ بەغدا کە چەند مەرجێکی ئێمە جێبەجێ بکرێن، یەکێک لەوانە دۆخی کەرکووک ئاسایی بکرێتەوە و چی تر بەسەربازی نەکرێت، هێزەکان بچنە دەرەوە و بگەڕێینەوە بۆ کەرکووک و بارەگاکانی خۆمان وەربگرینەوە و بتوانین بە ئازادی کاری سیاسیی خۆمان بکەین.

کاوە ئەحمەد لە بەشێکی تر لە لێدوانەکەیدا ئاماژەی بەوە کردووە ، مانه‌وه‌ی پارتی له‌ ده‌ره‌وه‌ی که‌رکووک و چۆڵنەكردنی بارەگاكانی، ”زیان به‌ دۆزی ره‌وای کورد له‌و ناوچانه‌ دەگەیەنێت، بە تایبەتیش كە پارتی له‌ دوایین هه‌ڵبژاردندا ده‌نگی یه‌که‌می نێو لایەنە كوردستانییەكانی بەدەست هێناوە، بۆیە ده‌بێ به ‌به‌هێزی بگەڕێتەوە.“