بانکی ناوەندیی عێراق نووسراوێک لە بارەی نرخی نوێی دۆلار ئاراستەی سەرجەم بانکەکان دەکات

ئەمڕۆ چوار شەممە د. عەممار حەمەد خەلەف، جێگری پارێزگاری بانکی ناوەندیی عێراق بە نووسراوێکی فەرمی  بانک و کۆمپانیاکانی ئاڵوگۆڕی دراو و کۆمپانیاکانی پارەدانی ئەلیکترۆنی مۆڵەتپێدراو ئاگادار دەکاتەوە لە بارەی چۆن کڕین و فرۆشتنی دۆلار

لە نووسراوەکەی بانکی ناوەندیی عێراقداهاتووە، پاڵپشت بە بڕیاری ئەنجوومەنی ئیدارەی بانکی ناوەندیی عێراق کە لە کۆبوونەوەی نائاسایی 06-02-2023 بڕیاری لەسەر دراوە ، نرخی فرۆشتنی دۆلار لە رۆژی 08-02-2023وە،بەم نرخانەی خوارەوە دەبێت :

– هەر دۆلارێک بە 1300 دینار لە وەزارەتی دارایی دەکڕن.

– هەر دۆلارێک بە 1310 دینار بە بانکەکان فرۆشن لە رێگەی سەکۆی ئەلیکترۆنی.

– هەر دۆلارێک بە 1320 دینار لەلایەن بانک و دامەزراوە داراییە نابانکییەکان دەفرۆشرێت بۆ سوومەندبوونی کۆتایی.