وەزارەتی رۆشنبیری و لاوانی حکومەتی هەرێمی کوردستان روونکردنەوە دەدات
هەموو چالاکییە ئاهەنگییەکان دەوەستێت
سەبارەت بەو دۆخەی لە ئیستادا بە هۆی روودانی بوومەلەرزە لە باکووری کوردستان و رۆژئاوا لە ئارادایە، وەزارەتی رۆشنبیری و لاوانی حكومەتی هەرێمی كوردستان لە روونكردنەوەیەكدا ئاماژەی بۆ وەستاندنی هەموو چالاكییە ئاهەنگییەكانی كرد.
لە روونکردنەوەکەدا هاتووە هەموو لایەك ئاگادارن لە چەند رۆژی رابردوودا بوومەلەرزەیەكی بەهێز باكوور و رۆژئاوای كوردستانی هەژاند کە بەدەیان هەزار شەهید و برینداری لێ كەوتەوە.
بە لەبەرچاوگرتنی ئەم کارەساتە مرۆیی سروشتییە ، وەزارەتی رۆشنبیری و لاوانی حكومەتی هەرێمی كوردستان، وەك هاودەردی لەگەڵ بنەماڵەی قوربانیانی ئەو دوو بەشەی كوردستان، بڕیاری دا هەموو چالاكییەكی ئاهەنگ ئامێز لە سەرجەم فەرمانگەكانی سەر بە سنووری وەزارەتمان رادەگیرێت
