ئەو کاتەی دەنگی بارزانی لە دەنگی هەمووان بەرزترە
ئەو کاتەی دەنگی بارزانی لە دەنگی هەمووان بەرزترە
قەهرەمان عوسمان:
بە درێژای شەو و ڕۆژ، بەبێ پسانەوە و حەسانەوە، دژبەر و کرێگرتەکان، بە ڕێگە و شێوازی جیاوازی میدیایی کلاسیک و سەردەمیانە هێرش دەکەنە سەر بارزانی،
تۆمەتی دونیا هەڵدەبەستن و دەست لەگەڵ شەیتانیش تێکەڵ دەکەن بۆ ئەوەی ناوی پیرۆزی بارزانی و ڕێبازەکەی لەکەدار بکەن.
خەوییان لێزڕاوە تەنها دەیانەوێت لە سیمبول و ڕەمزی نەتەوەیی کورد کە سەرۆک بارزانییە بدەن، لە بەرامبەردا پارتی و دڵسۆزانی ڕێگای کوردایەتی گرنگی بەو دەنگە ناشازانە نادەن.
زۆرجار بەم بێدەنگییەیان پەستمان دەکەن و ئۆقرەمان لێدەبڕن، تەنانەت وامان لێ دێت بڵێین: ڕاگەیاندنێکی لاوازمان هەیە و سەرزەنەشتی ڕاگەیاندنکارانمان دەکەین، لەبەر ئەوەی وەک پێویست وەڵامی ناحەزانی بارزانی نادەنەوە.
بەڵام ئێستا دەزانم زۆر هەڵەین، دەزانن بۆ؟!
چونکە هەر کە کورد کەوتە تەنگانەوە دەنگی بارزانی لە هەموو دەنگێکی تر بەرزترە بۆ بەهاناوەچوونی کورد، دەستی بارزانی لە دەستی هەرچی کوردە درێژترە بۆ هاوکاریکردن و دەستگرتنی کورد و هاوزمان و هاونیشتیمانەکانمان، بەمەش بۆ هەموو لایەکی دەسەڵمێنێت کە:
بارزانی و کورد و کوردستان هەرگیز لەیەکتر جیاناکرێنەوە و خاوەنی ڕاستەقینەی نەتەوە و وڵات بارزانییە و لە کاتی هاتنەئارای هەر تەنگژەیەک بۆ نەتەوەی کورد، بارزانی بە کردار پڕوپاگەندە و بوختان و درۆ و دەڵەسەکانی نەیارانمان دەکاتە بلقی سەرئاو و سفر بە دەست دەیاننێرێتەوە باوەشی ئاغاکانیان.
