وەزارەتی پێشمەرگە لەبارەی دەنگۆی پلە بەرزکردەنەوە روونکردنەوە دەدات
وەزارەتی پێشمەرگەی حکومەتی هەرێمی کوردستان لە روونکردنەوەیەکدا لە بارەی پلەبەرزکردنەوە ڕایدەگەیەنێت، ”چەند خشتەیەکی پلە بەرزکردنەوەیان رەوانەی ئەنجومەنی وەزیران کردووە و لە قۆناغی داهاتوودا تەواوی خشتەکانی پلە بەرزکردنەوەی ئەفسەرانی پێشمەرگە دەچێتە سەر رێچکەی خۆیی.
لە روونکردنەوەکەی وەزارەتی پێشمەرگە کە وێنەیەکی دەست دەزگای میدیایی خواکوڕك کەوتووە تێدا هاتووە: ” لە هەندێک پەیج و ئەکاونتی تۆڕە کۆمەڵایەتییەکان، پڕوپاگەندەی جیاواز لەسەر خشتەکانی پلە بەرزکردنەوەی ئەفسەرانی پێشمەرگە بڵاوکراونەتەوە، لەمبارەیەوە وەزارەتی پێشمەرگە ڕایدەگەیەنێت:
1. خشتەکانی 2020 و 2021 و نەورۆزی 2022، تەواو بووە و رەوانەی ئەنجومەنی وەزیران کراوە و لەوێ کاری لەسەر دەکرێت.
2. سەبارەت بە خشتەی ئەیلولی 2022 و نەورۆزی 2023، بە هەمان شێوە ئامادەکاری دەکرێت، بۆئەوەی بە خێرایی بەرز بکرێتەوە بۆ ئەنجومەنی وەزیران.
3. لەم قۆناغە بەدواوە تەواوی خشتەکانی پلە بەرزکردنەوەی ئەفسەرانی پێشمەرگە دەچێتە سەر رێچکەی خۆیی و رێک دەخرێنەوە و بەپێی کات و شایستەیی ئەفسەران، خشتەی پلە بەرزکردنەوە کاری لەسەر دەکرێت.
