سەرۆک بارزانی پێشوازی لە شاندێکی باڵای هێزەکانی گۆڕانی دیموکراتی دەکات
![](https://xwakurk.com/wp-content/uploads/2023/02/20230218_213520.png)
ڕۆژی شەممە 18ی شوباتی 2023 لە سەلاحەددین سەرۆک مەسعود بارزانی پێشوازی لە شاندێکی باڵای هێزەکانی گۆڕانی دیموکراتی کرد کە پێکهاتبوون لە:
ڕائید فەهمی سکرتێری حزبی شیوعیی عێراقی و یاسر سالم ئەندامی مەکتەبی سیاسی حزبی شیوعیی عێراقی و عەلی رەفیعی سەرۆکی تیاری کۆمەڵایەتی و مشرق ئەلفریجی سەرۆکی جووڵانەوەی نازل ئەخز حەقی و حوسێن ئەلغرابی سەرۆکی حزبی ماڵی نیشتیمانی و محیی ئەنساری سەرۆکی حزبی ماڵی عێراقی و موسا رەحمەتوڵلا سەرۆکی حزبی وەعد.
لە دیدارەکەدا بارودۆخی سیاسیی عێراق و کۆسپ و تەگەرەکانی چالاکییە سیاسییەکانی لایەنەکان و ڕووبەڕووبوونەوەی قەیرانە سیاسیەکان ئاڵوگۆڕ کرا.
هەر لەو دیدارەدا جەخت لە هەماهەنگیی نێوان هێزەکانی گۆڕانی دیموکراتی و پارتی دیموکراتی کوردستان کرایەوە.