هەولێر و بەغدا لەسەر پڕۆژەیاسای بودجەی 2023 رێککەوتن
پەرلەمانتارێکی فراکسیۆنی پارتی دیموکراتی کوردستان لە ئەنجومەنی نوێنەرانی عێراق ئاشکرای دەکات: هەولێر و بەغدا لەسەر پڕۆژەیاسای بودجەی 2023 رێککەوتن و پشکی هەرێم دیاریکرا.
ئیخلاس دلێمی، ئه‌ندامی ئه‌نجومه‌نی نوێنه‌رانی عێراق له فراكسیۆنی پارتی رایگه‌یاند، پشكی هه‌رێمی كوردستان له بودجه‌ی 2023ـدا به رێژه‌ی 12.67% دیاریكراوه.
راشیگەیاند:” رێككه‌وتنی كۆتایی له‌نێوان حكومه‌تی هه‌رێمی كوردستان و حكومه‌تی فیدراڵی له‌وباره‌یه‌وه كراوه و، مووچه و شایسته داراییه‌كانی هێزه‌كانی پێشمه‌رگه له‌سه‌ر خه‌رجی سیادی ده‌بێت.
