مەحمود محەمەد: پێمان باشه لێگه‌ڕێین پێكهاته‌كان خۆیان بڕیار لەسەر چۆنێتی بەشداریکردن لە هەڵبژاردن بدەن.
گوتەبێژی پارتی دیموکراتی کوردستان دەڵێ: پێمان باشه لێگه‌ڕێین پێكهاته‌كان خۆیان بڕیار لەسەر چۆنێتی بەشداریکردن لە هەڵبژاردن بدەن. دەشڵێت:وه‌كو پارتی پشتیوانی له خوشك و برا ئێزدییه‌كان ده‌كه‌ین ببنه خاوه‌نی كورسی كۆتا له په‌رله‌مانی كوردستاندا.
ئەمڕۆ چوارشەممە، مەحمود محه‌مه‌د گوته‌بێژی پارتی دیموكراتی كوردستان له کۆنگرەیەکی رۆژنامه‌وانیدا سەبارەت بە کورسی کۆتاکان رایگه‌یاند، پێمان باشه لێگه‌ڕێین پێكهاته‌كان خۆیان بڕیار بده‌ن، ئێمە دەزگای هەڵبژاردنی حزبەکەمان راسپارد، ئەو بابەتە لێگەڕێن بۆ خودی پێکهاتەکان، تا خۆیان بڕیار بدەن بە چ شێوازێک بەشداری لە هەڵبژاردنی پەرلەمانی کوردستان بکەن، بۆئەوەی ئێمە نەبینە بڕیاردەر بۆ چۆنێتی بەشداریکردنی ئەوان.
راشیگەیاند:” وه‌كو پارتی پشتیوانی له خوشك و برا ئێزدییه‌كان ده‌كه‌ین ببنه خاوه‌نی كورسی كۆتا له په‌رله‌مانی كوردستاندا، ”
گوتیشی،” بۆ به‌ڕێوه‌چوونی هه‌ڵبژاردن له‌مساڵدا پێویستمان به ئیراده‌یه‌كی به‌هێزی سیاسی هه‌یه .
