مه‌سرور بارزانی لەبارەی هەڵبژاردنی پەرلەمانی کوردستانەوە چی گوت؟
دوای ئه‌وه‌ی پرسیار له مه‌سرور بارزانی، سه‌رۆكی حكومه‌تی هەرێمی كرا، كه چەند رۆژێكە شاندە بیانییەكان سەردانی هەرێمی كوردستان دەكەن و لەگەڵتاندا كۆدەبنەوە، پرسی هەڵبژاردنەكان باس كراون، كەی هەڵبژاردن دەكرێت؟ هەنگاوی نوێتان بۆ بابەتی هەڵبژاردن چییە؟
له وه‌ڵامدا سه‌رۆكی حكومه‌تی هه‌رێمی كوردستان رایگه‌یاند: حكومەتی هەرێمی كوردستان هەڵوێستی زۆر دیارە، ئێمە لەگەڵ ئەوەین كە هەڵبژاردن لە كاتی خۆیدا بكرێت. خۆزگە لە مانگی 10ـی ساڵی رابردوو بكرایە، هەر ئەو وەختەش ئێمە ئامادەیی حكومەتمان نیشاندا كە ئامادەین لە كاتی خۆیدا هەڵبژاردن بكرێت. بەڵام دەبێت حزبەكان هاوڕابن و ئامادە بن بەشداریی هەڵبژاردن بكەن، بەداخەوە چەند حزبێك پێیان خۆش نەبوو و ئامادە نەبوون كە هەڵبژاردن لە كاتی خۆیدا بكرێت، ئەمە بووە هۆكاری ئەوەی كە دوابخرێت بە چەندین بیانووی جیا جیا.
سەرۆکی حکومەت ئەوەشی گوت، ئێستا پێمانوایە كە هیچ بیانوویه‌ك بۆ دواخستنی هەڵبژاردن نەماوە، هەندێك بابەتی یاسایی هەیە كە پێویستە سەرۆكی هەرێم لە كاتی خۆیدا ماوەی هەڵبژاردن دیاری بكات، ئێمە بە هەموو توانایەكەوە ئامادەییمان هەیە وەكوو حكومەت پشتگیری و ئامادەكاری بكەین بۆ جێبەجێكردنی پرۆسەی هەڵبژاردن لە كاتی خۆیدا، بە دڵنیاییەوە ئێمە بە هەموو شێوەیەك پاڵپشتین و لەگەڵ ئەوەین هەڵبژاردن بكرێت. هیوادارم لە كۆتایی ئەمساڵ تێنەپەڕێت ئینشائەڵڵا.
#Xwakurk #خواکوڕك
