به ئاماده‌بوونی مه‌سرور بارزانی دیداری گه‌نجان و لاوان به‌رێوه‌ده‌چێت
بۆ یەکەمین جار لەسەر ئاستی ھەرێمی کوردستان، لەلایەن یەکێتی لاوانی دیموکراتی کوردستانه‌وه، یەکەمین دیداری لاوان لە شاری دھۆک بە بەشداريی سەرۆكی حكومەتی هەرێمی كوردستان و لاوانی گشت شار و شارۆچکەکانی کوردستان، ئەنجام دەدرێت.
كاتژمێر 11ـی پێشنیوەڕۆی ئه‌مڕۆ یه‌كشه‌ممه 2023/3/12، ئاماده‌بوونی مه‌سرور بارزانی، سه‌رۆكی حكومه‌تی هه‌رێمی كوردستان به به‌شداری هه‌زاران گه‌نج و لاوی پارێزگه جیاوازه‌كانی هه‌رێمی كوردستان، دیداری گه‌نج و لاوان له هۆڵی كۆنفرانسه‌كانی زانكۆی دهۆك به‌رێوه‌ده‌چێت.
لەمبارەیەوە، رێبوار کەلاری، ئەندامی مەکتەبی سکرتاریەتی یەکێتی لاوانی دیموکراتی کوردستان بە دەزگایی میدیایی (خواکوڕک) ڕاگەیاند: یەکێتی لاوانی دیموکراتی کوردستان بۆ یەکەمین جار لەسەر ئاستی کوردستان کۆنفراسی لاوان لە شاری دھۆک بە ئامادەبوونی زیاتر لە ھەزار گەنج بۆ ماوەی یەک رۆژ بە ئامادەبوونی ھەرسێ سەرۆکایەتییەکەی هه‌رێمی كوردستان ئەنجام دەدات.
رێبوار کەلاری ئەوەشی خستەروو، سێ پانێڵیش لەلایەن ھەرسێ سەرۆکایەتییەکەی هه‌رێمی كوردستان پێشکەش دەکرێت، کە سێ سەرۆکایەتیی کارەکتەری سەرەکین و باس لە کێشە و گرفت و چارەسەره‌كانی لاوان دەکەن، دواجار ھەر لەم کۆنفراسە کە لە شەش قسه‌كه‌ر پێک ھاتووە، کە ھەریەکەیان باس لە کێشەیەکی لاوان دەکرێت، کێشە و گرفت و چارەسەرەکانیش دەخرێنەروو.
