پەیامی سەرۆک بارزانی بەبۆنەی هاتنەوەی مانگی پیرۆزی رەمەزان

لە پەیامێکدا سەرۆک بارزانی بەبۆنەی هاتنەوەی مانگی پیرۆزی رەمەزان پیرۆزبایی لە موسڵمانانی کوردستان و عێراق و هەموو جیهان دەکات.

دەقی پەیامی سەرۆک بارزانی:-

بەناوی خودای بەخشندە و میهرەبان

بەبۆنەی هاتنەوەی مانگی پیرۆزی رەمەزان پیرۆزبایی لە موسڵمانانی کوردستان و عێراق و هەموو جیهان دەکەم.

لە خودای مەزن داواکارم عیبادەت و نزا و رۆژووی هەمووان قبووڵ بکات و مانگی پیرۆزی رەمەزان ببێتە هەوێنی خێر و بەرەکەت و رووناکی بۆ هەموو لایەک.

29ی شەعبانی 1444

22ی ئاداری 2023